Lo pastoralisme qu’ei un mòde d’espleitacion agricòla fondat sus l’eslhevatge extensiu. Qu’arregropa l’ensemble de las activitats d’eslhevatge. Pastoralisme que vien deu mot latin « Pastoralis » derivat deu mot « Pastor ».
Las esquiras n’an pas totas la medisha tonalitat en foncion de la fòrma, de la talha, deu mòde de fabricacion e deu tipe de batalh.
Las esquiras qu’existeishen en dehòra de l'activitat pastorau, particularament las qui produseishen sons poderós com los trucs, los trucons, las topias o los metaus. Dens los Pirenèus, las esquiras que son associadas aus rituaus e aus personatges deu periòde de Carnaval.