Lo pastoralisme qu’ei un mòde d’espleitacion agricòla fondat sus l’eslhevatge extensiu. Qu’arregropa l’ensemble de las activitats d’eslhevatge.Que valoriza las ressorças forastèras deus espacis naturaus peus peisheders. Aquestas superficias pastoraus qu’asseguran ua partida o tota l’alimentacion deus tropèths.

Pastoralisme que vien deu mot latin « Pastoralis » derivat deu mot « Pastor ».
Lo mot « Pastor » qu’ei lo tèrma generic tà díser la persona qui s’encuenta de guardar animaus : vaquèr, aulhèr/oelhèr, crabèr, porquèr, auquèr, etc.