Historic
Vaduda en 1993, La Garburada d’Auloron que vòu peu biais d’aqueth eveniment preservar ua tradicion culinària, avalorar los produits de Bearn qui i prenen directament part e crear ua dinamica en desvolopar las « taulas de la garbura », gropament de restaurators qui an signat ua carta de qualitat de la garbura.
"lo plat emblematic e ancestrau
de la cosina bearnesa"
La Garburada d’Auloron que hesteja cada purmèr dissabte de seteme lo plat emblematic e ancestrau de la cosina bearnesa. Mei qu’ua sopa, la garbura qu’ei au còr deu minjar biarnés : un repaish quasi sancèr hèit de legumes de sason de fresc amassats : caulets, patatas, havas, mongetas adobats d’alh, de pimbo, de peirasilh… ; e confit de guit, d’auca, de pòrc, òias…
"Las cantas polifonicas que s’avian
au moment de l’aperitiu e deu sopar"
Lo concors qu’amassa un trentenat d’equipas. Cadua que hè la soa garbura ; las produccions que son minjadas lo ser au parat d’un gran sopar.Lo temps deu deliberat puish lo sopar que son lo parat de descobrir los sauts bearnés. Dançaires auloronés e deu parçan que s’aplègan a l’entorn de las flabutas/tamborins, deus accordeons e deus vriolons.
Las cantas polifonicas que s’avian au moment de l’aperitiu e deu sopar, tà perlongà’s dinc a tard en la serada.