Mustra Trucs

Etapa 9/ Los pans d'argèla que son en.hornats tà còser enter 1000°C e 1300°C maximum.

Etapa 10/ Que cau còser duas òras, haut o baish. Au cap d'ua òra, qu’arreviran los pans pr’amor que cau lo laton sii repartit sus tot lo metau.

Un còp sortits deu horn, los obrèrs qu’arreviran los pans d'argèla incandescents sus ua grasilha dab ua pica entà har sortir lo tròp de laton. Aquera etapa qu’ei tà empachar que lo laton s’aglomèri en un sol endret en tot durcir ; que poderé guastar lo son de l’esquira.

Etapa 11/ Los pans que son hicats de costat abans que’us hiquin a tremps hens l’aiga. Atau en.hredida, la pèth d’argèla que’s poderà esmiutar aisidament.

Etapa 12/ Un còp los pans d'argèla obèrts, las esquiras pareishen. Qu'ei ad aqueth moment qu'òm ved se lo laton a fusionat com cau dab lo metau.

Etapa 13/ Las esquiras que son secadas abans d’estar polissadas e alessidas, puish sonadas abans d’estar venudas.

Lo dia d’en.hornar, ua jornada especiau

Punt de fusion deu laton : 900°C
Que cau 5h tà que lo horn sii a 1000°C.
Temperatura minimau deu horn enta còser au començar de la jornada : 1000°C
Temperatura maximau deu horn entà còser en fin de jornada : 1200°C / 1300°C
A cada còp qu’obreishen lo horn que pèrden 100°C
La temperatura a l'interior deus pans d'argèla que puja dincà : 1050°C
En fin de jornada lo horn qu'ei a : 1300°C

La temperatura deu horn que càmbia tot lo long deu dia. Las pèças tà còser que seràn en.hornadas segon la temperatura qui hè necèra tau lor brasatge.

Au començar de la jornada, que còsen a 1000°C. Lo horn, tostemps a cauhar, que serà a 1300°C en fin de dia.