L'annada 1967 que ved la creacion deu Hestau de la Canta Bearnesa a Siròs vilatjòt de l’arribèra deu gave de Pau, au ras de Lescar, qui aplega dinc a 15 000 personas e vad en quauquas annadas l’actor de non pas mancar de la lenga e de la cultura bearnesas.
Desdempuish aquera data, cada 4au dimenjada de seteme, lo vilatge qu’ei lo rendetz-vos deus grops de cantas, cantaires solets, contaires e amators.
"Atau com se lo parlar plan e lo cantar plan,
e hargavan los pielars de l’identitat bearnesa"
Qu’èra hèit, purmèr, tad animar lo vilatge. Dab pregons cambiaments socioeconomics, l’idea d’ua manifestacion a l’entorn de las cantas bearnesas qui anavan desaparéisher que gessí de l’inspiracion de Robert Chandernagor arreligada per l’estrambòrd de quauques joens de Siròs e de Bearn : A. Mariette, J. Hounieu, L. Mandère et A. Arette-Lendresse. Que s’i escadón d’abòrd. Atau com se lo parlar plan e lo cantar plan, e hargavan los pielars de l’identitat bearnesa, las valors qui calè afirmar e transméter. En quauques annadas, cada vilatge que va produíser un o mantuns grops. Tot purmèr « còlas d’amics » encoratjadas per Jacqueline Hourcau en vath d’Aussau e Jo Eygun en Aspa e Varetons. Que seràn lèu mei de 150 formacions gessidas de tots los còrns de Bearn qui passaràn au hestenau e qui animaràn au briu deus ans un hèish de seradas bearnesas.
Lo Hestau qu’a tienut deu començar ençà, 
(A l'arrastora) mercés a l’enregistrament sonòr, a sauvar un traç de l’ensemble deus passatges sus l’empont. Aqueths archius que constitueishen uei lo dia l’ua de las honts màgers per la transmission de la cultura vocau e de la lenga en Bearn tà las generacions futuras.
Sus l’empont deu Hestau canta polifonica e conte bearnés qu’an las aunors. Mes mei delà tota la cultura bearnesa qu’ ei convidada.
Extraits du festival de Siros
La batalha d'Achòs - Pierre Arrius-Mesplé, Festival de Siros, 1969
Lo teulon deu curé - Jan deu Sabalòt, Festival de Siros, 1969
La plenta deu pastor - Los joens de Laruntz, Festival de Siros, 1969
Amistat (Loulou Mandère) - Los Hardidets de Mazerolles, Fonds Junquèr d'òc, 1983
Atau quan l'arròsa ei navèra - Les enfants de Lescun, Festival de Siros, 1973