Las Nueits Atipicas de Lengon, creadas en 1992, se tenen deu dijaus au dissabte la darrèra setmana de julhet.
Lo hestenau a per pit de valorizar la diversitat culturau e lingüistica en hasent descobrir l’alteritat musicau de las « musicas deu monde », arrefutant lo racisme e l’intoleréncia amei botant en davant la presa de conciéncia ciutadana.
Qu’an arcuelhut artistas deus renomats atau com Gilberto Gil, Emir Kusturica, Manu Chao, Cesaria Evora, la Companhia Lubat o Massilia Sound System…
Gavidadas per Patríc Lavaud, antropològue e etnografe de terrenh occitan, que son tanben, sivant la programacion, lo lòc de valorizacion de las expression deu P.C.I. deu maine aquitan.