Creat en 1990, lo Hestau Musicalarua se ten tot an suu miei d’aost a Lucsèir. Aquith petit vilatge de las Lanas qu’arrecuelha mei de 60 gropes de musica, tropas e companhias per tres o quate jorns e nueits entèiras de hèsta.
Lo hestau que s’organiza alentorn d’ua programacion eclectica de musica e d’arts de rua.
Atau qu’es qu’au hiu de las annadas Joe Cocker o Julièta Grecò que crotzan l’expression musicau occitana de Nadau, Didièr Tousis… Tanlèu, bohas, acordeons diatonics, rondèu o polcà que tròban au còr de la nueit lanusqueta un navèth espaci d’expression.
