Pastoralisme
Pastoralisme que vien deu mot latin « Pastoralis » derivat deu mot « Pastor ».
Lo mot « Pastor » qu’ei lo tèrma generic tà díser la persona qui s’encuenta de guardar animaus : vaquèr, aulhèr/oelhèr, crabèr, porquèr, auquèr, etc. Lo pastoralisme qu’ei un mòde d’espleitacion agricòla fondat sus l’eslhevatge extensiu. Qu’arregropa l’ensemble de las activitats d’eslhevatge.Que valoriza las ressorças forastèras deus espacis naturaus peus peisheders. Aquestas superficias pastoraus qu’asseguran ua partida o tota l’alimentacion deus tropèths.
Honts: Colleccion privada RB
De memòria perduda
Traç de comunautats pastoraus de 7000 ans a dens los Pirenèus.
Aquesta activitat pastorau qu’ei de tostemps ua activitat essenciau qui organiza e enrequeish las comunautats e las vaths. Mantuns tractats de patz, « lias e passerias » redigits entre las comunautats a l’Edat Mejana e a l’epòca modèrna qu’amuishan la plaça màger deu neurissatge dens las societats pirenencas. Hèra de cromlècs e autes monuments funeraris d’epòca protoistorica que possan mei luenh enlà l’origina deu pastoralisme.
Cartulari de la vath d’Aussau
Còpia deu tractat de patz, en bearnés signat lo 7 de julhet de 1277, entre la vath d’Aussau et Canfranc.
Honts: Taula I: f.°23 r. deu cartulari A (E dépôt vallée d'Ossau AA 2) Archius deus Pirenèus Atlantics
Chifras de uei lo dia
Dens los Pirenèus, 14% de las espleitacions agricòlas que practican l’amontanhatge : 4500 espleitacions sus 650 000 ha (tèrras de casa + estivas).
Honts: DRAAF Occitania
Ua relacion òmi-animau-natura
Los ligams enter l’òmi, l’animau e la natura que son au centre de l’activitat pastorau.
A noste, l’activitat pastorau qu’ei ua activitat economica màger tà las vaths pirenencas. Qu’ei aquesta activitat qui organiza la vita vitanta, la cultura e l’economia de las populacions de montanha.
Quauquas leis qui enquadran l’activitat pastorau : « Le maintien d'activités agricoles à prédominance pastorale est, en raison de la vocation générale du territoire, de nature à contribuer à la protection du milieu naturel, des sols et des paysages ainsi qu'à la sauvegarde de la vie sociale, des dispositions adaptées aux conditions particulières de ces régions sont prises pour assurer ce maintien.»
Code rural, art.113.2. Créé par Loi n° 72-12 du 3 janvier 1972 relative à la mise en valeur pastorale (dite loi pastorale), art. 1er, modifié par Loi n° 2005-157 du 23 février 2005 relative au développement des territoires ruraux
« Le pastoralisme et la forêt de montagne sont reconnus d'intérêt général comme activités de base de la vie montagnarde »
Code rural, art.113.1 Créé par Loi n° 85-30 du 9 janvier 1985 relative au développement et à la protection de la montagne (dite loi montagne), art .18, modifié par Loi n° 2005-157 du 23 février 2005 relative au développement des territoires ruraux
Amontanhatge : transumància/ de l’ivernatge a l’estivatge
Cada annada, en estiu, la vita en montanha qu’ei ritmada per la preséncia de tropèths de vacas, d’aulhas, de crabas e de cavalas. Lo bestiar qu’ei miat peus pastors tà’u har pèisher pendent 3 a 4 mes (de mai a octobre) en las estivas. Dens los pirenèus e lo Massiu Centrau, las estivas que son las pradèras naturaus de mei de 10 ha. Que s’apèran « alpatges » dens los Aups. Mantuas rasons que possan las pastoras e los pastors a amontanhà’s tà anar cercar l’èrba fresca e tà liberar las tèrras on poderàn har lo hen tà l’ivèrn.
Honts: Colleccion privada RB
Punt de lenga :
Transhumance/Montagner - Transumància / Amontanhar
Ací los mots que pòrtan sens. En francés lo mot transhumance que pren sens suu desplaçament quan lo mot en occitan que ditz l’objectiu deu desplaçament, ací la montanha.